Barna i Babuschka barnehage fekk den store oppgåva med å klippe snora og opne Europris Evje i nye lokale på Verksmoen. Den oppgåva løyste dei på glimrande vis.
Butikksjef Tonje Kirkholm Skauen sa nokre velvalde ord og takka alle som har vore med på å få i stand den nye butikken. Barna frå Babuschka barnehage klipte snora og ein lang kø av forventningsfulle menneske strøymde spente inn i butikken då snora var av og dørene endeleg oppe. Dei 100 første som handla fekk ein gåvepose med assorterte varer verd fleire hundre kroner med heim på kjøpet. Alle blei me trakterte med nydeleg blautkake, kaffi, saft og ferske bollar.
Saka held fram under biletet
Butikken er ikkje så mykje større enn den Europris hadde lenger sør på Verksmoen. Men innreiinga er annsleis, med ei meir tydeleg inndeling i avdelingar og betre ljos. Det inntrykket eg fekk av «nyordninga» etter ein kort rundtur var veldig positivt.
Stykket held fram under biletet
Butikksjef Tonje var strålande nøgd då eg fekk eit par korte ord med henne innimellom alle dei travle gjeremåla ho hadde å halde greie på. Omsetninga til Europris Evje har vore rundt 45 millionar siste året.
– Me må ha mål for drifta. No går me for 50 millionar!
Lokalt eigarskap til bygget
Det er det lokale utbyggings- og eigedomsselskapet Verksvegen AS som har vore byggherre og eig bygget. Eigarar av selskapet er ERV Teknikk Evje AS (50 %) og Bjorå Eiendom AS (50 %). Bygget er så leigt ut til Europris gjennom ein 10-årsavtale. Det har kosta om lag 20 millionar kroner å sette opp. Byggeoppdraget har Smeland Byggservice hatt hovudansvaret for.
Evje si utvikling som regionalt handelssenter held fram. Me gratulerer Europris Evje med nye lokale!
