Honnevje raste- og badeplass ligg idyllisk ved Otra, og langs Riksveg 9, om lag 2 km nord for Valle sentrum.
Plassen har moderne toalettanlegg og gode høve for parkering av køyretøy. Det er varierte badeplassar, frå plaskedammar til djupare stader i elva. Det er laga bruer, rekkverk, stiar og bålplass midt ute i elva. Store steinbord og sitjesteinar er sett opp, til stor glede for dei som stikk innom. Der er flytebrygger, og dei er tilgjengelege for rullestolbrukarar.
Det er bygd bru over til Kjeøyni. Der er det laga til ein flott frisbeegolfbane. Frå januar 2024 kan du også nyte eit opphald i ny badstue på staden.
Det er fantastisk fint å vere her ein «smeigedag» om sommaren. Men det er veldig triveleg med eit stopp også på køyretur i Setesdal til andre tider på året.
Stykket held fram under biletet
Best i Norge?
I 2011 vart Honnevje rasteplass kåra til årets NAF-rasteplass etter forslag av Frøydis Folgerø. I grunngjevinga heiter det:
– En komplett rasteplass med tilgjengelighet som sin store styrke. Rasteplassens størrelse gjør at det er lett å slappe av og trekke seg litt vekk dersom du ønsker det. Plassen er også tilrettelagt for funksjonshemmede. Videre har Honnevje et moderne toalettanlegg, gode rastebord og ikke minst bademuligheter. Å kunne ta seg en dukkert under bilreisen kan være forfriskende både for sjåfør, voksne og barn. Vi anbefaler deg å stoppe i disse idylliske og naturskjønne omgivelsene.
Kjelder
Meir om Honnevje
Sjå også
Meir om Setesdal
