På den fantastisk fine rasteplassen langs Riksveg 9 nord for Valle sentrum kan du kombinere ein tur i badstua med ein oppfriskande dukkert i Otra.
Setesdalbox Sauna ligg på Honnevje rasteplass, som er sagt å vere ein av dei aller finaste i Norge. Han ligg rett ved elva, i eit særs naturskjønt område. Om sommaren er det ein mykje brukt badeplass. Nå kan du kombinere ein stopp her, sommar som vinter, med eit herleg opphald i badstua. Om vinteren kan du «kose» deg i isvatnet rett utforbi vindauget, og om sommaren kjøle deg ned, etter å ha sveitta ut i badstua.
Saunaen opna for booking i slutten av januar 2024. Du kan tinge plass via nettsida til SetesdalBox eller ved å skanne QR-koden som du finn mellom anna på veggen på badstua.
SetesdalBox har også tilbod om overnatting i soveboks (minihytte) i Valle.
Du kan lese meir om SetesdalBox på Facebooksida deira.
Rett i nærleiken
Fleire attraksjonar i Setesdal
