Kunstgalleriet er på Systog Dale, den eldgamle slektsgarden Margit Dale driv saman med mannen Frode Verpe i Oveinang i Valle.
Galleri Systog Dale samarbeider med nokre av dei mest rennomerte kunstnarane i Norge. Dei syner 2–3 separatutstillingar kvart år. Kvar sommar og jul har dei utstillingar med kunst frå ei rekke ulike kunstnarar.
Dei har i tillegg alltid eit breitt og godt utval av grafikk, måleri og skulpturar for sal.
I tillegg til kunstgalleri og gardsdrift driv Margit det stort som matbloggar, ho har gitt ut fleire matbøker saman med mannen Frode og vore med i den populære TV-serien Fjellfolk saman med Trond Moi og Rune Andersen. Som om alt dette ikkje skulle vere travelt nok, driv familien også Kallefoss Hyttepark heime på Dale.
Les mykje meir om denne spennande staden på heimesida til Galleri Systog Dale.
