Hegni friluftsområde ligg ved nordre enden av Hartevatn, om lag ein km sør for Hovden sentrum.
Området har eit variert tilbod av turstiar samt leikeapparat, trampoline og sandvolleyballbane. Der er og kiosk.
Frå Hegni kan du dra på fisketur, anten du vil fiske frå land eller leige ein robåt. Det er også utgangspunkt for vandre- og sykkelturar.
Rekordfestivalen vert arrangert her. Hovden jernvinnemuseum ligg rett ved friluftsområdet. Her står også frå vinteren 2020 den spektakulære The Village Hovden. Det er ein restaurant med mexicansk mat og særleg tacos som spesialitet! Drivarar er Linné Røsstad Sharpe og Jason Sharpe.
Skulpturen på biletet er milleniumsskulpturen «Mot det uendelege», laga av Paul Brand.
Kjelder
- Omtale av Hegni friluftsområde på VisitNorway.no
- Sigurd Haugsgjerd, Inngangsporten til Hovden, artikkel om Hegni i Setesdølen nr. 67, 2021, side 6
- Artikkelen om Hegni friluftsområde på Setesdalswiki
Meir om Setesdal
