Rasteplassen ligg i naturskjøne omgjevnadar langsmed Riksveg 9 ved Syrtveitsfossen om lag 6 km nord for Evje.
Syrtveit rasteplass har høg standard og stor kapasitet. Det er bord og benkar å sitte ned ved, og toalett og søppelanlegg. Rasteplassen er også ein grei stoppestad om du har planar om å fiske i elva.
Rett ved rasteplassen ligg altså den svære Syrtveitsfossen. Aktivitetssenteret TrollAktiv brukar fossen mykje til rafting, kanopadling og andre aktivitetar i vatnet. Du kan gå ut på den svære fløytingsmuren og følge aktivitetane på nært hald.
