Vatnedalsdammen er ein steinfyllingsdam i austenden av Vatnedalsvatnet i Bykle. Han er 120 meter høg, og ein av dei høgaste dammane i Europa.
Ved foten er dammen 365 meter brei, og massevolumet er på 4,2 mill m³. Anlegget (hovuddam og sekundærdam) vart opna 4. oktober 1983 av dåverande olje- og energiminister Kåre Kristiansen.
Vatnedalsvatnet har ein magasinkapasitet på 1 150 mill. m³. Reguleringshøgda er 140 meter. Vatnet vert nytta til energiproduksjon i Holen kraftverk i Nordbygdi.
Rettane til regulering av Vatnedalsvatnet er frå 1912. I dag er heile Vatnedalen neddemt. Den første dammen vart bygt frå 1917 til 1919. I 1943 starta arbeidet med å bygge ein større reguleringsdam. Han var fullført i 1947, og magasinet hadde då ein kapasitet på 142 mill m³.
Turistattraksjon
Vatnedalsdammen er ein stor turistattraksjon. Det er skilt «Dammar» ved Riksveg 9 på Berdalsbru som viser vegen til damanlegget. Det er bare 3–4 minutt å køyre frå riksvegen inn til parkeringsplassen ved dammen.
Sjå også
- Om vannkrafta i Setesdal hos Visit Sørlandet
- Om damanlegget i Vatnedalen hos Otra Kraft
- Bossvassdammen Bykle
Kjelde
- Teksten er henta frå artikkelen om Vatnedalsdammen på Setesdalswiki
Meir om Setesdal
