Tveitetunet er eit friluftsmuseum under Setesdalsmuseet på garden Tveiti i Valle.
Museet var bustaden til bonde og lensmann Olav Knutsson Tveiten (1758–1837). Han møtte på riksforsamlinga på Eidsvoll i 1814 som utsending frå øvre Setesdal.
Setesdalsmuseet kjøpte tunet i 1969, og eit stort restaureringsarbeid vart sett i gang. Ei løebygning blei sett opp, og museet fekk også hand om den gamle arrestbygningen på Tveiten.
Tveitetunet var tidlegare utstillingsplass for brukskunstnarar på Valleutstillinga om sommaren, og har vore arena for den årlege kulturstemna i Valle; Tveitestemna.
Svært restaureringsarbeid
I 2017 blei tømmerkassa på hovudbygget i tunet plukka ned og frakta til laftehallen til Setesdal Bygningsvernsenter på Rysstad for restaurering. Arbeidet var kostnadsrekna til 1,5 millionar kroner. No er alt på plass igjen og «nyopning» av Tveitetunet er 11. juli 2026.
Kjelder
- Valle – Rygnestadtunet, Tveitetunet, Sentralbygg Rysstad, brosjyre, Setesdalsmuseet
- Ole Birger Lien, Tømmerkassa blir «ny», artikkel i Setesdølen nr. 55, 2018, s. 3
- Artikkelen om museumstunet på Setesdalswiki
Meir om tunet
- I artikkelen om Kvernhusvegen tursti på Setesdal.com
- Om Tveitetunet hos Setesdalsmuseet
- Geir Daasvatn sine bilete frå Tveitetunet på Flickr