Dette er den store bautasteinen som står rett ved Riksveg 9 på Hedde i Hylestad i Valle.
Setesdalsbautaen er sett opp av Setesdal Regionråd. Setesdalslogoen på steinen er teikna av Ove Kjetså. Pynt og form er ved Bjørgulv Bjørgum.
Riksveg 9 forbi Hedde blei oppgradert i 2020–2021. Bautaen fekk då nytt fundament, og ei litt endra plassering.
Det står òg slike bautaer på Hornnes, ved Reiseodden på Bygland og på Lundane nord for Hovden i Bykle. I tillegg står det ein bauta på fergeterminalen i Hirtshals.
Meininga er å ynskje turistane velkomen til Setesdal.