Ein del av hovudbygningen i friluftsmuseet Tveitetunet i Valle har vore under restaurering sidan 2017. Sommaren 2023 blei den restaurerte delen setta opp igjen. Målet er å kunne få til ei opning i 2025, seier Setesdal bygningsvern- senter.
Eg var og kikka meg rundt i Tveitetunet 2. juledag, 26. desember. Det var verkeleg stas å sjå den gamle lensmannsgarden på veg tilbake til slik han var. Dette var bustaden til bonde og lensmann Olav Knutsson Tveiten (1758–1837). Han møtte på riksforsamlinga på Eidsvoll i 1814 som utsending frå øvre Setesdal.
Du kan lese mykje meir om det praktfulle Tveitetunet her på Setesdalssida, på Setesdalswiki og hos Setesdalsmuseet. Det blir gøy å følge den siste delen av restaureringsjobben fram mot fullføring. Blir det ein stor opningsfest ein idyllisk sommarkveld i 2025, tru?