Juvassdammen er ein 46 meter høg betongkvelvdam i sørenden av Juvatn i Lognavassdraget i Åseral. Han stod ferdig i 1958.
Eigentleg er det to dammar her, den høge Juvassdammen og ein lågare, men lengre platedam i betong rett vest for hovuddammen.
Dei to dammane demmer opp Juvatn til magasin for Logna kraftverk ved Lognavatn. Magasinet kan romme heile 142 millionar kubikkmeter vatn.
Du kan gå trygt over toppen av dammen. Herfrå har du ein veldig fin utsikt.
Frå austsida av dammen går det ein umerka stig langs Juvatn nordover til Juvasstøl.
Korleis kjem du til Juvassdammen
Dammen er ein turistattraksjon i Åseral. Du kan kome dit ved å følge Fv-351 mot Bortelid til Åknes, deretter Austegardvegen mot Austegard og Espelid, og til slutt Juvassvegen inn til dammen.
Kjelder
- Om Juvassdammen på visitnorway.no
- Om Juvatn i Store Norske Leksikon (nettutgåva)
- Inger Juvastøl, Juvasstøl – Ein heiegard i Åseral, utgjeve på eige forlag, 2015, side 21 og 25–26
- Artikkelen om Juvassdammen på Setesdalswiki
Du vil kanskje også sjå
- Dammane ved Skjerkevatn
- Kjeddingsteinen (som ligg langs Juvassvegen før du kjem opp til dammen)
- Om vannkrafta i Åseral og Setesdal hos Visit Sørlandet
