Kjeddingsteinen er ei svær steinblokk langs vegen til Juvassdammen i Åseral.
Steinen har tydeleg ikkje ramla ned frå fjellet. Det har gitt opphav til ei segn om at det var ei trollkjerring som kom berande med steinen og sette han ned der i år 1000.
Så skulle ho kome att i år 2000 for å hente han. Dette tala folk i Lognevassbygda om då år 2000 kom. Men trollkjerringa har merkeleg nok endå ikkje dukka opp?!
Kjelder
- Kulturminneplan Åseral 2020-2025, vedteke av kommunestyret 12. desember 2019, s. 73
- Artikkelen om Kjeddingsteinen på Setesdalswiki