«Vekas bilete» for veke 4 i 2023 er det vakre våningshuset på gardsbruket Heimtveiti i garden Tveiti i Nordbygdi ved Botsvatn i Bykle.
Heimtveiti var heimen til tidlegare Bykle-ordførar Gunnar Å. Tveiten (f. 1899–d. 1981).
Den eldste delen av huset skal vere frå om lag 1750.
Husa i det opphavelege tunet blei flytta lenger opp i bakken, til Øytveit, som følge av reguleringa av Botsvatn midt på 1970-talet. Svein Tveiten (1935–2013) fekk Aust-Agder fylkes bygningsvernpris i 1999 for arbeidet sitt med å ta vare på dei gamle bygningane.
Heimelshavar til eigedomen i dag er Gunnar Tveiten (f. 1965). Han og familien brukar staden mykje som feriebustad.
Kjelder
- Aanund Olsnes, artikkelen om Heimtveiti på Lokalhistoriewiki
- Elektronisk grunnbok hos Statens Kartverk
- Olav M. Holen, Nordbygdi – slik ho var, 2. utgåve, 2013, s. 33–37
- Sigrid Åsen Haugsgjerd, – Ein stad med lange familietradisjonar, artikkel i Setesdølen nr. 70, 2020, s. 6 6
- Artikkelen om Heimtveiti på Setesdalswiki