Heimigard er eit gardsbruk på Rysstad i Hylestad. Marton Laksesvela og kona Anna Olavsdotter Rysstad forpaktar eigedomen.
Her driv dei to med sauer, sel røyka sauekjøt og mykje anna. Marton er til dømes sterkt engasjert i prosjektet med å få bygd ei ny stavkyrkje i Setesdal.
Løa på bruket er bygd før Svartedauden (1349–1350), og er ca 700 år gamal. Ho er truleg den eldste i Noreg.
Loftet (stabburet) på garden er også frå tida før Svartedauden.
Den eldste delen av våningshuset er frå slutten av 1400-talet.
Heimigard ligg rett på andre sida av Riksveg 9 for Hylestad kyrkje. Johs. Bjørkeli har kalla Setesdal for «Dalen med museum på hver gård» i ein artikkel han laga for Fædrelandsvennen for nokre år sidan. Det er mykje sanning i det, og Heimigard er verkeleg eit museum i seg sjølv.
Stykket held fram under biletet
Kjelder
- Johs. Bjørkeli, Dalen med museum på hver gård, artikkel i Fædrelandsvennen, God Helg, 7. oktober 2016
- Alfred Ryningen, Valle kommune I Gards- og ættesoge Hylestad, utgjeve av Valle kommune, 1986, side 277–291
- Artikkelen om Heimigard Rysstad på Setesdalswiki