Frøysnes brygge ligg langs Åraksfjorden, sør på Frøysnes, noko før det første huset på garden.

Brygga blei bygd i 1869. Ho er bygd av grovt tømmer og stein. Det var dampbåtane Dølen og seinare Bjoren (frå 1897) som nytta brygga.

Les også: Bjoren – eventyrbåten på Byglandsfjorden

Den første brygga blei utbetra rundt 1905, som følge av oppdemminga av Byglandsfjorden. Det skjedde også ei større utbetring i 1912. På Kulturminnesok.no heiter det at denne siste utbetringa skjedde i 1916.

Brygga var i bruk til mellomkrigsåra.

I dag ligg brygga som oftast under vatn. Men når fjorden er langt nedtappa, dukkar ho fram igjen! Ho er i overraskande god stand etter alle dei åra under vatn.

Kjelder

• Reidar Vollen, Bygland gard og ætt, bind IV, 2006, side 19–20
• Leonhard Jansen (red.), Frå postveg til riksveg – vegar og vegminne langs riksveg 9, Bokbyen Forlag, 2018, side 233 øvst
• Artikkelen om Frøysnes brygge på Kulturminnesok.no