Ho er ei skogshytte som blei sett opp først på 1890-talet, til bruk i den store skogsdrifta til skogspekulantane Foss & Bjerke i Berdalsskogen i Bykle rundt århundreskiftet.
Hytta stod då ved Berdalsbru.
Seinare kjøpte Vegvesenet hytta og flytta ho til Geiskeli der ho står i dag. Det er like nord for Nylund, bare rundt 300 meter innover langs Geiskelivegen frå Riksveg 9. Ho blei då brukt av vegarbeidarane som arbeidde på køyrevegen oppover mot Hovden. Denne første ordentlege setesdalsvegen gjekk rett foran (på vestsida av) hytta frå ca. 1926 til 1968. Før 1926 kom den planerte ridevegen mot Hovden forbi på austsida.
Helleik S. Glidbjørg (f. 1876, d. 1974) flytta frå garden sin på Geiskeli ned til hytta ved riksvegen då sonen Salmund Gjeiskelid tok over gardsdrifta. Det var i 1958, i følge opplysningar i Heimar og folk i Bykle.
Kjelder
- Aanund Olsnes, Heimar og folk i Bykle, bind II, utgeve av Bykle kommune, 2006, side 70–77
- Bykle kultursoge, utgjeve av Bykle kommune, 1993, side 94
- Artikkelen om Geiskelihytta på Setesdalswiki
- Artikkelen om den gamle setesdalsvegen forbi Geiskeli på Kulturminnesok.no
I nærleiken
