Dette er staden i Bygland for kransenedlegging til minne om dei som fall under 2. verdskrigen. Her ligg og fleire gravhaugar frå vikingtida.
Knutsbakk var tilhaldsstad og ekserserplass for militære i dansketida, er det fortalt.
Staden ligg om lag 175 meter sør for Bygland kyrkje.
Minnestøtta
Minnestøtta (t. h.) vart avduka 17. mai 1947 av fylkesmann Nils Hjelmtveit. På støtta står desse namna: Nere Aakhus, Knut O. Bø, Arne Scheie, Gunnar Såghus, Jentoft Andersen, Jørgen Lidtveit og Georg Nordgård.
Gravhaugane
Det er fire ganske store gravhaugar i gravfeltet. Dei er rundt 1,5 meter høge. Alderen er ikkje nøyaktig tidfesta, anna enn at dei må vere frå jernalderen.
