Gjetarhytta på Bjåen var i bruk i samband med tamreindrifta i Bykle. Tamreindrifta tok slutt i 1978.
Her budde dei siste reinsdyrgjetarane.
Hytta er i sinklaft. Ho står enno ved nordre enden av Breidvatn, på veg inn mot busetnaden på Bjåen. Ho blei først sett opp i Breive, austafor gardsbruket Flaten. Tidleg på 1950-talet blei ho flytt til Bjåen.
Ei opphaveleg gjetarhytte som var i bruk den første tida er flytta til Nipadalen.
Er du interessert i å vite meir av historia om tamreindrifta i Setesdalsheiene? Kjell Bitustøyl si bok frå 2017 er ein glimrande stad å starte!
Kjelder
- Kulturminneplan Bykle 2016-2019, side 20
- Kjell Bitustøyl, Tamreindrifta i Setesdalsheiane, Bokbyen Forlag, 2017, side 139
- Artikkelen om gjetarhytta på Bjåen på Setesdalswiki
Meir om Setesdal
