Kyrkjevoddenburet er eit mellomalderbur på Kyrkjevodden under Åknes ved nordre enden av Lognavatn i Åseral.
Buret er tidfesta til 1600-talet, 1. kvartal (1620). Grunneigar er Trond Egil Åknes.
Bygningskulturen i Åseral skil seg frå den ein finn i andre kommunar i Vest-Agder, heiter det i Kulturminneplanen. Det er særs mange bur som framleis eksisterer. Skraddarburet i Austegard er det mest sagnomsuste, truleg bygt på 1520-talet. Eit anna er Espelidburet (1620).
Kyrkjestad
Kyrkjevodden er ein gamal kyrkjestad. Det er påvist at det har stått ei lita stolpekyrkje her frå katolsk tid, truleg frå kring år 1200 eller noko tidlegare. I dag ligg kyrkja nokre hundre meter lenger sør, Åknes kapell.
Kjelder
- Artikkelen om buret på Setesdalswiki
- Kulturminneplan for Åseral 2020–2025, side 40
- Kulturminnesok.no
- Frans-Arne Hedlund Stylegard, Til Guds Ære og Folkets Gavn – Åseral kyrkje 1822–2022, jubileumsbok, 2022, side 32–33
- Elektronisk grunnbok hos Statens Kartverk
Sjå også
Meir om Åseral
