Reiårsfossen gamle bru er ei steinkvelvbru over Reiårsåna på Ose i Bygland, rett nedanfor den meir berømte Reiårsfossen.
Stykket er tidlegare publisert på OpplevEvje.no.
Veldig mange kastar nok eit blikk opp mot fossen når dei fer forbi på Riksveg 9. Truleg enser langt færre den fine steinkvelvbrua på andre sida av vegen.
Byggeåret er noko uvisst. På Kulturminnesok.no er det sagt at ho er bygd i 1921. Brua ligg rett attmed ei nyare platebru på Riksveg 9, og var i bruk på den gamle riksvegen fram til den nye brua kom i 1962. Før desse to bruene må det også ha vore bygd ei bru tidleg på 1840-talet, då Postvegen blei bygd framom Ose og vidare nordover i Setesdal. Det var nok då ei trebru.
Om du vil sjå nærare på brua, kan du parkere på rasteplassen rett nord for Reiårsfossen og gå dei få meterane til brua.
Stykket held fram under biletet
Kjelder
- Reidar Tveito, Riksveg 9 – Bruer og særtrekk langs vegen, Byglandsfjord 2014, side 126–127
- Leonhard Jansen m.fl., Frå postveg til riksveg – Vegar og vegminne langs riksveg 9, Bokbyen Forlag, 2018, side 119
- Setesdalswiki