Tårnet på Longerak. Foto: Geir Daasvatn

Tårnet – Longerak

Langs vegen oppover mot Longerak kraftstasjon står dette spesielle huset. Det skal ha ei rørande historie, som Reidar Tveito har fortald i den framifrå boka si om bruer og særtrekk langs riksveg 9.

Reidar seier at han igjen har historia frå Sigrid Nersten Lunden og Magnhild Rygg.

Det hadde seg slik at Ingebjørg Langerak hadde levd under trange kår. Ho hadde eit sterkt ønske om å ein gong kunne få sitt eige vesle hus.

Tysk kontrolltårn

Under krigen hadde tyskerane eit kontrolltårn på Longerak. Då freden kom, reiv bygdefolket ned toppen av tårnet. Den delen skal ha blitt sett opp på Rysstad igjen. Med hjelp av stokkar blei botnen av tårnet rulla opp på ein liten lastebil. Gunnar Syrtveit klarte å få bygget opp bakken mot kraftstasjonen, og setta huset på plass. Der fekk Ingebjørg endeleg sitt eige. Det blei også stelt i stand eit vedskjol, ovn og innlagt straum.

Ingebjørg skal ha levt lykkeleg i den vesle stova resten av sine dagar, og blei seinare bare kalla Ingebjørg Tårnet, skriv Reidar.

Kjelde

Sjå også

Fleire kulturminne

Nordstemmen – Bygland
Trydalstoga – Kristiansand museum
Sørstemmen – Jordalsvatn
Frutti Frøyrak si grav
Storrvollhuset – Frøysnes
Postvegen Uppstad–Flårenden
Einerkilen urangruve i Evje
Haavardstadhuset – Evje
Systog Dale-loftet
Fjellskarbrua – Rysstad
Bispestolane – spennande kulturminne og fint turmål
Postvegen Kristiansand–Bykle

Ditt personvern er viktig for oss

Vi bruker «cookies» slik at vi kan forstå hvordan du bruker nettstedet vårt.