Gravfeltet ligg på grunnen til Gausi (gnr. 31 bnr. 3) på Træletveit i Åraksbø.
I feltet er det registrert sju gravrøyser av ulik storleik. Tre av røysene er svært tydelege og klart definerte. Dei andre fire er noko mindre og ikkje like openbare.
Feltet har vore kjent i Bygland, men blei først i oktober 2024 undersøkt av fagfolk og registrert som kulturminne. Gravfeltet er automatisk freda kulturminne, med ID 317686.
Gamal gard
Træletveit skal ha vore eigen gard langt tilbake i tid, truleg før Svartedauden. I nedgangstida etter Svartedauden blei han lagt øyde, og blei aldri teken opp som eigen gard igjen. Seinare var her heimestøyl for Stoplestog.
Stykket held fram under biletet
Kjelder
- Emma Norbakk, Arkeologisk befaringsnotat, Træletveit, Åraksbø gnr. 31 – Bygland kommune, Agder fylkeskommune, 2024
- Reidar Vollen, Bygland gard og ætt, bind IV side 230–231 og bind V side 16 og side 58