Skjoldmøypila på Hedde er ein om lag mannshøg og spiss stein på gardsbruket Der nede på Hedde i Hylestad.
Steinen skal ha vore noko høgare før.
Etter segna skal Skjoldmøyane ha skote pila etter Heilag-Olav då han for gjennom Setesdal.
På same bruket står også det kjende Heddisloptet.
Johannes Skar seier det slik:
«Me Heddi la skjallmøyann` å `an; dei skut` a stei`pil at o av fjøddé. Hu sette ni jori å «Heddi der ne`i», attenat fjosé; der sto `u i snei de lengste eg kann minnast; men no e `u flutt heim i tuni.»
Kor ser du Skjoldmøypila?
Gardsbruket Der nede ligg på vestsida av Riksveg 9, nesten i vegkanten, nokre hundre meter nord for den svære Setesdalsbautaen om du er på veg nordover. Du ser det drustelege, nyrestaurerte Heddisloptet og eit kvitt setesdalshus. I tunet framføre står pila.
Kjelder
- Alfred Ryningen, Valle kommune I Gards- og ættesoge Hylestad, utgjeve av Valle kommune, 1985, side 76–77
- Johannes Skar, Gamalt or Sætesdal, Sant-Olav, bok 2 (bind I i nyutgjevinga frå 1961, side 231)
- Artikkelen om Skjoldmøypila på Setesdalssida
