Hauganloftet står på gardsbruket Haugan (gnr. 70 bnr. 6) på Hedde i Hylestad.
Haugan ligg lengst sør på Hedde, rett på oversida (vestsida) av Riksveg 9. Eigar er Egil Åmlid.
På gardsbruket står eit gamalt loft. Om det har eit offisielt namn veit eg ikkje. Så eg kallar det bare «Hauganloftet» etter bruket det høyrer til.
– Det er eitt av dei venaste og best bygde i dalen, skriv Alfred Ryningen i gards- og ættesoga for Hylestad
Loftet skal vere reist av den medgjetne tømmermannen Knut Torjusson Helle (f. ca. 1696–d. 1766). Det blei freda av Riksantikvaren i 1941.
Den eldste delen av våningshuset på eigedomen er også svært gamal, frå 1600-talet.
Kjelde
- Artikkelen om Haugan på Setesdalswiki
- Alfred Ryningen, Valle kommune I Gards- og ættesoge Hylestad, utgjeve av Valle kommune, 1985, s. 128–138
- Johs. Bjørkeli, Dalen med museum på hver gård, artikkel i God Helg/Fædrelandsvennen 7. oktober 2016