Brokke-Suleskarvegen er den 42 km lange vinterstengte vegen som går frå Nomeland i Hylestad i Valle gjennom Setesdal vesthei til Suleskar i Sirdal.
Vegen vart opna i 1990, og er normalt open frå 20. mai til 1. november kvart år.
Han går gjennom eit spektakulært høgfjellsterreng, med høgaste punkt 1050 meter over havet. Strekninga byd på store opplevingar av mange slag. Men i framste rekke av desse står naturen. Etter vintrar med mykje snø kan brøytekantane på nokre stader gå opp mot ti meter. Ta det med ro, unn deg mange stopp og sjå deg verkeleg godt rundt!
Brokke-Suleskarvegen er den kortaste og raskaste vegen mellom Oslo og Sandnes. Han er rekna som ei av dei beste MC-rutene i Norge.
Sjå også
- Suleskarvegen med mykje spennande informasjon om tilbod og opplevingar på den lengre strekninga frå Dalen i Telemark til Gjesdal i Rogaland
- Setesdalsmuseet på Rysstad
- Sølvgarden Hotell og Feriesenter på Rysstad
Meir om Setesdal
