Trydalstoga er ein av dei gamle bygningane frå Setesdal i Setesdalstunet på Kristiansand museum på Kongsgård.

Stoga blei selt frå gardsbruket Der Inne i Trydal i Bykle i 1952. Der var det bygd nytt våningshus i 1945. Knut Hallvardsson Trydal (f. 1899, d. 1975) og Birgit Taraldsdotter Trydal (f. Mosdøl 1903, d. 1988) eigde Der Inne då. Knut hadde historiske interesser. Ved sida av salet av Trydalstoga til museet deponerte han eit innhaldsrikt gardsarkiv ved Statsarkivet i Kristiansand.

Trydalstoga blei sett opp på Der Inne på 1790-talet. Gardeigar den gong var Torleiv F. Trydal (f. 1740, d. før 1801). Det stod opphaveleg eit loft i enden av bygningen, under same takflata. Men loftet blei verande igjen i tunet då stoga blei flytta til Kristiansand.

Kjelder

• Aanund Olsnes, omtalen av gardsbruket Der Inne i Heimar og folk i Bykle, utgjeve av Bykle kommune, bind V, s. 148–168

Lenker

• Kristiansand museum
• Artikkelen om Der Inne Trydal på Lokalhistoriewiki

Du vil kanskje også sjå

• Systog Trydal-loftet
• Nonåsen – Trydal