Frutti Frøyrak er etter segna rudkallen på Frøyrak i Bygland.
På Sikkomodden rett sør for tuna låg ein gravhaug som vart utjamna litt etter århundreskiftet. Dette var – også etter segna – grava til Frutti. Han blei gravlagd her så han kunne sjå heim til garden, er det sagt.
Vasstanden i Byglandsfjorden er høgare i dag enn på Frutti si tid. Grava ligg nå under vatn. Ei stor steinhelle står oppreist nær staden der grava var. Steinen stod ved hovudenden av sjølve grava. Han blei seinare teken opp frå vatnet og sett på høgkant for å markere om lag kor grava hadde vore. Det stod også en stein ved fot-enden av grava.
I området der grava hadde vore vart det seinare, ved harving, funne ei ringspenne av bronse.
Du kan lese mykje meir om dette spennande og spesielle kulturminnet, og Frøyrak, i artikkelen om garden på Lokalhistoriewiki. Lokalkjende Tormod Tveitå har skrive den artikkelen.
Kjelder
- Artikkelen om Frutti Frøyrak si grav på Kulturminnesok.no
- Artikkelen om Frøyrak på Lokalhistoriewiki (lenke foran)
- Artikkelen om Frøyrak på Setesdalswiki
Du vil kanskje også lese om