Kallefossbrua går over Otra ved Kallefoss rett nord for den særmerkte Einang i Valle. Brua er eit interessant vegminne.
Det er eigentleg tale om to bruer. Otra går i eit todela løp her, og då er det bygd to bruer for å kome over.
«Kallefoss 1» er brua lengst vest. Ho er 40,5 meter lang, og er bygd i fagverk i stål.
«Kallefoss 2» er brua nærast Riksveg 9. Ho er 29,5 meter lang, og bygd på same viset.
Kallefossbrua vart opna i 1933. Dei to bruene gjorde tilværet mykje lettare for folka på vestsida av Otra, på Løyland og Dale, som nå fekk bilveg.
Kjelder
- Reidar Tveito, Riksveg 9 – Bruer og særtrekk langs vegen, utgjeve på eige forlag, 2014, side 184–185
- Artiklane om Kallefossbruene på Setesdalswiki
- Rotfest framtid. Temaplan for kulturminne Valle 2020–2032
Rett i nærleiken
- Rygnestadtunet
- Rygnestadloftet
- Flatelandsmoen gravfelt
- Rygnestad og Flateland kulturlandskap av nasjonal interesse
