Nordstemmen er ein smal, men ganske lang steinstem som blei sett opp i Nordåna (Skrelandsåna) ved Tangen i Bygland, truleg i 1905.

Nordåna var flotingselv frå Skrelandsbrua og sørover , og åna blei demd opp for å skaffe vatn til tømmerflotinga.

Utbygginga av kraftverk i Setesdal, og den tilhøyrande vassdragsreguleringa, gjorde slutt på flotinga av tømmer i Otra og etter kvart også i sidevassdraga. Men den svære stemmen ved Tangen står der den dag i dag.

Det går skogsbilveg (bomveg) frå Jordalsbø inn i heia til Tangen. Vegen er open for køyring mot bompengar. Du betaler bare 50 kroner (Vipps eller kontant) der vegen tek til, og kan då kose deg inne i dette nydelege heieterrenget ein heil dag. Frå parkeringsplassen på Tangen er det nokre få hundre meter å gå langs elva opp til dammen.

Nordstemmen på Norgeskart.no

Kjelder

• Reidar Vollen, Bygland gard og ætt, bind VII, utgjeve av Bygland kommune, 2012, s. 541–547
• Andreas Vevstad, Fosskarane og Åna, utgjeve av Fellesfløtningen i Otra, Kristiansand 1999, s. 228–234