Skraddarburet er eit bur frå mellomalderen i Austegard ved Lognavatn i Åseral. Buret er den eldste profane (ikkje-religiøse) trebygninga i Vest-Agder.
Den eldste delen av bygget er den nedste høgda. Ho er åreringdatert til ca 1520–1530. Den andre høgda kom til seinare, ein gong på 1600-talet.
Riksantikvaren gav i 2015 og 2016 tilskot til restaurering av bygningen, etter at taket hadde blåse av i 2014.
Skraddarburet blei restaurert også i 1994, gjennom Riksantikvarens mellomalderprosjekt som skulle setje i stand alle profane mellomalderbygg. Det blei mellom anna bytta spontak, og svalgongane i andre høgda blei rekonstruert då desse ikkje eksisterte lenger.
«Knut Skraddar»
Opphavet til namnet «Skraddarburet» kjem frå ein av dei tidlegare gardbrukarane i Austegard, Knut Nilsson Mørk (?-1645) – eller «Knut Skraddar» som han også blei kalla. Soga om han, Skraddarsoga, er ei dramatisk forteljing.
Kjelder
- Artikkel om restaureringa i 2015 og 2016 på nettsida til Riksantikvaren
- Kulturminneplan Åseral 2020-2025, side 19
- Artikkelen om Skraddarburet på Setesdalswiki
Du vil kanskje også sjå
- Buret på Kyrkjevodden (som du kjem forbi i Åknes)
- Juvassdammen (ein liten avstikkar nordover frå Austegard)
- Kjeddingsteinen (som ligg langs vegen til Juvassdammen)
- Åknes kapell
- Espelidburet (rett i nærleiken)
