Furuly friluftspark – Evje

Furuly friluftspark er eit stort parkanlegg på Verksmoen nær Evje sentrum, i området rundt Furuly fleirbrukshus.

Evje og Hornnes kommune eig og driv anlegget. Det er ope for alle.

Området har skateanlegg, leikeområde med klatrenett, huske og vippedyr, hinderløype, ei fin badestrand langs Otra, grill ved vasskanten, utescene på ei idyllisk lita øy i elva, sommartoalett og benkar og bord .

Området høver spesielt godt for barnefamiliar, og er sjølvsagt mest attraktivt vår, sommar og haust. Det skal vere tilpassa og tilgjengeleg for alle, inkludert rullestolbrukarar.

Gjennom og rundt parken er det ein fin, gruslagt gangveg. Han er opplyst om kvelden.

Kart over området

Kjelder

• Artikkelen om Furuly friluftspark på Setesdalswiki
• Tom Egerhei og Janne Johnsen, Otra – Mulighetsstudie for Otra Elvepark, utgjeve av Midt-Agder Friluftsråd, s.104