Brua er ei steinkvelvbru på den gamle setesdalsvegen på Augland i Torridal i Kristiansand.
Auglandskleiva bru er 6 m lang og 3,5 m brei. Lysopning 3,5 m. Kara kviler på ein tømmerflåte. Setesdalsvegen blei bygd i 1794 på strekninga fra Øvre Strai til Mosby, først med ei trebru. Det var lenge tvil om når steinkvelvbrua var bygd. Men C14-datering av tømmerflåten har seinare synt at ho blei bygd i 1835.
Denne delen av Setesdalsvegen gjekk ut av bruk i 1861, då vegen blei lagt om.
Restaurert i 2005
I 2005 blei brua restaurert, då det hadde begynt å rase ned steinar frå kvelvet. Torridal Historielag hadde initiativet, og Eystein Greibrokk stod for arbeidet.
Kjelder
- Artikkelen om Auglandskleiva bru på Kulturminnesøk.no
- Reidar Tveito, Riksveg 9 – Bruer og særtrekk langs vegen, Byglandsfjord 2014, s. 6
- Artikkelen om brua på Setesdalswiki
- Torfinn Normann Hageland, Gamle veger i Vest-Agder, Statens vegvesen Vest-Agder, 2000, s. 183
