Birkelandsfossen – flotingsmur

I Birkelandsfossen i Otra i Evje og Hornnes, på Hornnes-sida av fossen, ligg det att ein svær steinskjerm etter flotinga av tømmer på elva.

Muren stenger igjen to små opningar mellom to mindre holmar. Det var nok for at tømmeret ikkje skulle gå gjennom her og sette seg fast eller reke inn over land, og i staden bli leia ut i den breie fossen.

I Andreas Vevstad si bok om fellesfløtinga i Otra er det opplyst om ein skråskjerm som blei bygd i Birkelandsfossen i 1904. Det må truleg vere den som er avbilda i stykket her.

Det var også sag ved Birkelandsfossen, eigd av Notto J. Birkeland. Men det er ei anna soge.

Birkelandsfossen på Norgeskart.no

Kjelder

• Artikkelen om flotingsskjermen i Birkelandsfossen på Kulturminnesok.no
• Andreas Vevstad, Fosskarane og åna, utgjeve av Fellesfløtningen i Otra og Vennesla Bom, 1999, s. 143

Sjå også

• Steinskjermane i Syrtveitsfossen
• Flotingsmurane i Fennefossen
• Den svære flotingsmuren på Tveitbakk i Hylestad