Bjoneskleivi, eller bare Kleivi som det står på kartet, var ein bakke på den gamle setesdalsvegen mellom husa på Bjones og Byklebrua.
I 1879 kom det endeleg køyreveg for hest og vogn fram til Bykle kyrkje. Då hadde vegarbeidarane strevd seg forbi det vanskelegaste stykket av alle, Byklestigen. Vegen i Bjoneskleivi blei bygd på same tida, altså i 1879 med byggestart kanskje litt før.
Fjellet går mest stupbratt ned i dalen her, og vegen låg heilt inn mot fjellsida. Det var ein rasutsett og farleg vegtrasé. Rundt midten av 1980-talet blei han flytta ut på ei fylling i Bykil, lenger vekk frå fjellsida. Bare nokre år seinare gjekk det eit stort steinras over gamlevegen, og vitna om kor farleg vegen eigentleg hadde vore.
Stykket held fram under biletet
Kjelder
- Artikkelen om Bjoneskleivi på Kulturminnesok.no
- Jansen, Haugen, Røysland og Tallaksen, Frå postveg til riksveg – vegar og vegminne langs riksveg 9, Bokbyen Forlag, 2018, s. 181 og kart nr. 27 bak i boka
Kanskje du også vil lese
