Hanehaug er ein stor gravhaug og midtpunktet i eit svært fornminneområde med gravfunn frå steinalder, jernalder, bronsealder, folkevandringstid og vikingtid på Nese i Bygland.
Haugen er 16 meter i diameter, og han er to meter høg. Området ligg rett ved Riksveg 9, nokre hundre meter etter at du har passert Bygland sentrum på veg nordover. Staden er godt skilta.
Kong Hane
Kong Hane skal ha levd på 1000-talet, og rådde over heile Bygland. Han var ein rik og mektig mann, som eigde mange hestar og mykje fe. Men han var fredsæl, og gjorde ingen urett. Han dyrka garden sin godt, og oppmoda bygdefolket til å gjere det same. Det var gode år i Bygland.
Segna seier at Olav den Heilage kom på kristningsferd til Setesdal. Kong Hane samla då ein hær frå alle bygdene omkring for å slost mot kongen.
Slaget skal ha stått ved Ellingstjønn, nord for Bygland. Kong Hane fall, og vart gravlagd i Hanehaug. Den heilage kvite trollkua hans, Audhumbla, vart gravlagd i ein haug ved sida, kalla Kjyrehaug.
Kjelder
- Oppslag på info-tavle ved Hanehaug
- Om gravrøyser ved Byglandsfjorden på arkeolog Frans-Arne Hedlund Stylegar sin blogg
- Bygland, Norges bebyggelse, herredsbindet for Aust-Agder, vestre del, Oslo, 1956, s. 64
- Reidar Vollen, Bygland gard og ætt, bind VII, 2012, s. 19
- Artikkelen om Hanehaug på Setesdalswiki
Meir om Heilag-Olav i Bygland
Rett i nærleiken
- Bygland museum
- Bygland kyrkje
- Tangen friluftsområde
- Stoga kulturkafé
- Knutsbakk
- Bygland brygge
- Kvålsnapen turløype