Åknes kapell er ei langkyrkje på Åknes ved idylliske Lognavatn i Åseral med 150 plassar og galleri. Ho er bygd i 1873.
Byggherrane var Tobias Flottorp og Gard Ekså, som og laga døypefonten.
Kyrkjeklokka kom frå Oslo og vart køyrd med hest til Dåsvatn og sidan boren på ryggen av Torgeir Helleren til Lognavatn. Altertavla er akantusranker og treskurd av Lars Svenson Juvasstøl. Ho høyrer med til noko av det vakraste i norsk bygdekunst. Orgelet er bygd av Gebrüder Reil i 1988.
Kyrkja fekk eit påbygg i 1968.
Historie
Eit kapell i Åknes er omtala i ei kjelde frå 1327. Truleg er dette den stolpekyrkja som stod på Kyrkjevodden i Åknes, litt nord for dagens kapell, og som blei påvist arkeologisk i 2000. Det kapellet er datert til kring 1200 eller noko tidlegare.
Kjelder
- Artikkelen om kapellet på Setesdalswiki med vidare tilvising til underliggande kjelder
- Kulturminneplan Åseral 2020–2025
- Frans-Arne Hedlund Stylegar, Til Guds Ære og Folkets Gavn, jubileumsbok Åseral kyrkje, 2022